entertainment
||Rajyadainik||

आजको ाचार

पोहिलो पटक बक्स अफिसले आयोजना गर्यो फिल्मी चंगा उत्स्व ।चोभार बन्यो चंगामय।

मनोञ्न


काठमाडौ :बक्स अफिस इन्टरनेसनल ग्रुपको १५६ औ कार्यक्रमको आयोजना भब्य सम्पन्न भएको छ। बिजय दशमी २०७७ को सुभकामना आदानप्रदान कातिक ७ गते शुक्रबार काठमाडौको चोभार डांढामा चंगा उडाउन्ने कार्यक्रम राखिएको थियो । आपसी भाइचारा ,मेलमिलाप तथा संस्कृतको जगेर्ना गर्ने उदस्यले आयोजित बक्स अफिसको चंगा उडाउन्ने कार्यक्रममा भब्य रूपमा सफल भएको कार्यक्रम अध्यक्ष राम बाहादुर सुवेदी (आर के ) बताउनु भयो । फुलपातिको अवसरमा अपरान्ह २ बजे देखि चोभार डाडामा सुरु भएको चंगा उडाउन्ने कार्यक्रममा उल्लेखनीय सहभागीता रहेको थियो । कार्यक्रमलाई एभरेस्ट सुर्य बोहोराले ७२ घन्टामा छांयाकन गरिएको नेपाली कथानक चलचित्र श्री प्रमुख प्रायोजक र सिने फोकोस स्टुडियो बागबजारले सह प्रायोजक गरेको छ्न। सहभागी सबैलाई प्रमाणपत्र सहित बरिस्ठ दन्द चलचि निर्देशक एन बि महर्जन चलचित्र निर्माता बितरक सुनिल मानन्धरले संमान गर्नुभएको थियो।

वरिष्ठ कलाकार मदन कृष्ण श्रेष्ठको ‘एकतर्फी माया’लाई उनकी सुपुत्री सरनाको स्वर तथा निर्देशन (भिडियो)

मनोञ्न


लोकप्रिय बरिष्ठ कलाकार मदनकृष्ण श्रेष्ठको शव्द रचना तथा उनकी सुपुत्री गायिका सराना श्रेष्ठको स्वर रहेको नयां गीत ‘एक तर्फी माया’मा कहिले काही कसैको जीवनमा हुन सक्ने एक तर्फी प्रेमको विषयलाई गीत र भिडियो मार्फत अत्यन्तै आकर्षक ढंगले प्रस्तुत गरिएको छ । हिन्दुहरुको महान चाड दशैंको घटस्थापना अवसर पारेर विषम परिस्थितीका बावजुद दर्शक श्रोताका लागी सांगितीक मनोरन्जन प्रदान गर्ने उद्देश्यले सार्वजनिक गरिएको गीतलाई निकै मनपराईएको छ । ‘ककाकी प्रडक्सन’को युट्यूब च्यानलबाट सार्वजनिक गरिएको भिडियोलाई धेरैले रुचाएका छन । गायक तथा संगीतकार सुरेन्द्र श्रेष्ठको संगीतमा तयार भएको गीतको तयारी भिडियोको कन्सेप्ट तथा निर्देशन समेत स्वयं गायिका सरना श्रेष्ठले गरेकी हुन । रुपम सिंह गुरुङ्गको ऐरेन्ज रहेको गीतमा एक तर्फी गरिने मायाको विषयलाई उत्कृष्ट शव्दबाट वर्णन गरिएको छ ।
कसैको जीवनमा माया प्रेम एकतर्फी पनि हुन्छ । समाजमा पछिल्लो पुस्तामा माया भन्नासाथ स्विकार गरिहाल्नु पर्छ, पाईहाल्न पर्छ भन्ने मनशाय भएकाहरुलाई यस गीतले सकारात्मक सन्देश दिन खोजेको छ । आफुले चाहेको प्रेम स्विकार नगरे जघन्य अपराध गर्न समेत पछि नपर्नेहरुलाई र आफुले चाहेको माया नपाएर मन टुटेर बसेका असफल प्रेम जीवनलाई सहज रुपमा लिन सक्नुपर्छ भन्ने कुरालाई गीतको माध्यमबाट प्रष्ट्याउन खोजीएको छ । कोही न कोहीको जिवनमा हुने यस्ता एकतर्फी माया प्रेम हासिल गर्न नसके पनि जीवनमा तड्पिएर नभै जे भयो त भयो अव जिवनलाई सहज रुपमा जिउन सक्नु पर्छ भनेर एकतर्फी माया प्रेममा डुबेकाहरुलाई निकै आकर्षक ढंगले सन्देश दिन खोजीएको छ ।

नायिका श्वेता खड्काको काया फिल्मस्ले निर्माण गरेको भिडियोमा नायिका श्वेताको साथमा नायक अनुप विक्रम शाही, मोडल निराजन प्रधान तथा गायिका सराना लगायतको उत्कृष्ट अभिनयले भिडियो थप आकर्षक बनेको छ । फिल्मी शैलीमा निर्माण गरिएको भिडियोलाई उत्कृष्ट बनाउन काया फिल्मसले निकै मिहिनेत गरेको देखिन्छ । भिडियोको छायांकन नवराज उप्रेतीले गरेका हुन भने कोरियोग्राफी गम्भिर विष्ट र सम्पादन वार्डड क्यानभास फिल्मस्को रहेको छ ।

अनलाइन सुपर किड्स नृत्य तथा गायन प्रतियोगिता सम्पन्न

मनोञ्न


काठमाडौं,
कार्तिक ७ ।

अनलाइन सुपर किड्स नृत्य तथा गायन प्रतियोगिता सम्पन्न भएको छ । ड्रिम सर्च एजेन्सीद्वारा आयोजित अनलाइन सुपर किड्स नृत्य तथा गायन कम्पिटिसन २०२० को फाइनल सम्पन्न भएको हो ।

अनलाईन सुपर किडस् नृत्य तथा गायनको प्रतियोगिता २०२० को फाइनल रिजल्ट ड्रिम सर्च एजेन्सीको अफिसियल फेसबुक पेज र युट्युव च्यानलमा प्रकाशित गरिएको छ । कोरोना सङ्क्रमणका कारण भएको बन्दाबन्दीमा घरबसी प्रतियोगीले आफ्नो भिडियो मार्फत प्रतियोगितामा भाग लिएका थिए ।

प्रतियोगितामा कपन निवासी सात वर्षीय आज्ञ थपलिया सुपर किड्स गायन किड्सका विजेता बन्न सफल हुनुभएको छ भने १८ वर्षीय बसुन्धरा निवासी पद्मजा कार्की टीन्सतर्फ विजेता हुनुभएको छ ।

यस्तै सुपर प्रिकिड्स नृत्यतर्फ विराटनगर निवासी पाँच वर्षीय बालक दिवम रखेचा विजेता हुनुभएको छ । किड्समा बिर्तामोड निवासी नौ वर्षीय प्रलाक्षा कार्की र टीन्सतर्फ काठमाडौं बुढानिलकण्ठ निवासी १३ वर्षीय सोनी लामा तमाङ विजेता हुनुभएको छ ।


सो नृत्य र गायन प्रतियोगितामा नेपालका विभिन्न ठाउँबाट १६० जना चारदेखि १९ वर्षका बालबालिकाले भाग लिएका थिए । उक्त प्रतियोगितामा उत्कृष्ट ५०, ३०, २० र पाँच गर्दै टप थ्री ग्राण्ड फइनल नतिजा सार्वजनिक गरिएको थियो ।

प्रतियोगीतमा प्रि किड्स, किड्स र टीन्स समुहमा बालबलिकालाई विभाजन गरिएको थियो । हरेक राउण्डमा प्रतियोगिले आफ्नो नृत्य र गायनको भिडियो पठाई सहभागिता जनाउनुपर्ने थियो । प्रतियोगितामा नृत्यतर्फ डीआइडी सिजन-६ र डान्स प्लसका अन्तिम प्रतिस्प्रर्धी सुजन मार्फा तामाङ अफिसयल निर्णयक हुनुहुन्थ्यो भने गायनतर्फ अफिसयल निर्णयकका रूपमा ध्रमेन्द्र सेवान रहनुभएको थियो ।

गायनतर्फ किड्समा अर्नभ बन फष्ट रनरअप आशनेया विनाड़ी सेकेण्ड रनरअप, टिन्समा विक्रम वस्नेत फष्ट रनरअप, प्रियांकुस गौतम सकेण्ड रनरअप भए भने नृत्यतर्फ प्रि किड्समा सिया जोसी फष्ट रनरअप, दृष्टि धिमाल सकेण्ड रनरअप, किडसमा कृश तामाङ फष्ट रनरअप, सक्षी सहानी सकेण्ड रनरअप हुन सफल भएको छ । यस्तै टिन्समा ओम राजवंशी फष्ट रनरअप, अपूर्भ कर्मचार्य सकेण्ड रनरअप हुनुभएको छ ।

कार्यक्रममा प्रतियोगीको छनोट उत्कृष्ट ५० देखि पाँचसम्म निर्णयकले गरेका थिए भने उत्कृष्ट तीन भोटिङको आधारमा गरिएको थियो । भोटिङका लागि प्रतियोगिले देश विदेशदेखि अनलाइन भोटिङको सिस्टम थियो जसमा ग्लोबल अनलाइन पे बाट भोट गर्नुपर्ने थियो ।

प्रतियोगिताका विजेतालाई तिहार लगतै काठमाडौंमा एक कार्यक्रको आयोजना गरी पुरस्कार वितरण गरिने बताइएको छ । विजेतालाई नगद, ट्रफी र प्रमाणपत्र प्रदान गरिने साथै उत्कृष्ट पाँचमा पर्न सफल लाई पनि म्युजिक भिडियोमा अवसर प्रदान गरिने कार्यक्रमका आयोजक कमल निकोन क्षेत्रीले जानकारी दिनुभयो ।

अनुजाको 'दिन रात' बोलको म्युजिक भिडियो प्रोमो सार्वजनिक

मनोञ्न



काठमाडौ - ६ कात्तिक ।
मोडल अनुजा आचार्य फिचरिङ 'दिन रात' म्युजिक भिडियोको प्रोमो हालै सार्वजनिक भएको छ ।

दशैँको शुभकामना सहित गायक तथा निर्देशक प्रशान्त मिस्टको नयाँ कोसेली "दिन रात " म्युजिक भिडियो यही अक्टोवर २५ को दिन सार्वजनिक हुने भएको छ। 

भिडियोमा नेप्लिज सोल्जको र्याप गायन रहेको छ भने  मोडल अनुजा आचार्यको  फिचरिङ रहेको छ।

सन्तोष शर्माले नयाँ चलचित्र निर्माण गर्ने तयारीमा

मनोञ्न


सन्तोष शर्माले नयाँ चलचित्र निर्माण गर्ने  तयारीमा 
कोरोना भाइरका कारण विश्वभरका चलचित्र प्रभावित हुँदा नेपाली चलचित्र पनि यसबाट अछुत रहन सकेन । जसले चलचित्र, चलचित्रकर्मी, निर्देशक, निर्माता, हल सञ्चालक, चलचित्र वितरक लगायतलाई धेरै नै असर पारेको छ । नेपाली चलचित्र क्षेत्र विश्वव्यापी रूपमा फैलिरहेको कोरोना भाइरसको त्रासमा छ ।

अहिलको स्तिथिमा हेर्दा फिल्म बनाउन निकै जोखिमपूर्ण कुरा हो तर पनि समयको मागलाई मध्यनजर गर्दै चलचित्र बनाउन लागेको निर्माता सन्तोष शर्मा बताउछन । चलचित्र लव स्टोरी आधारित रहेर भरपुर कमेडीको पनि मिश्रण चलचित्रमा रहेको कुरा निर्माण पक्षले बताएको छ । कामको अहिले सुरुवाती चरण रहेकोले अहिले नै फिल्मको नाम भने चयन भैसकेको छैन ।

मुख्य कलाकारमा मोडल तथा नायक राजन कार्की साइन गरेका छन् भने निर्देशन र अन्य कलाकारको टुंगो लाग्न बाँकी नै छ । कोरोना भाइरसका कारण नेपाली सिनेमा क्षेत्र प्रभावित भई सुटिंगसम्म बन्द हुदा नेपाली सिनेमा क्षेत्रमा ठुलो क्षती भएको छ ।

कोरोनाको लकडाउनका कारण व्यापक मारमा परेको नेपाली चलचित्र उद्योगका चलचित्रकर्मीहरु लकडाउन खुकुलो भएपछि जुर्मुराउन थालेको देख्न पईयाको छ । अब चलचित्रले दर्शकहरुको मन जित्न सफल रहने नायक कार्की बताउनु हुन्छ । साथै नयाँ बन्ने नेपाली चलचित्र निर्माण युनिटलाई अवसर दिनुभएकोमा नायक कार्कीले धन्यवाद समेत व्यक्त गर्नु भएको छ ।


परफेक्ट मिडिया एकेडमीको ब्यानरमा तयार हुने चलचित्रलाई सन्तोष शर्माले निर्माण गर्ने भएका छन् ।

मोडल सङ्गस अवार्ड- २०२०’ को निःशुल्क आवेदन फाराम खुल्यो

मनोञ्न



काठमाडौँ, ५ कार्तिक- विश्वव्यापी महामारीको रुपमा फैलिएको कोरोना संक्रमणको कारण अन्तराष्ट्रिय स्तरमा आयोजना हुँदै आएको मोडल सङ्गस अवार्डको दोश्रो संस्करण “मोडल सङ्गस अवार्ड, २०२०” नेपालमा हुने भएको छ। 

कोरोना संक्रमणको कारण ग्लोरी मिडिया,पेजेन्ट नेपाल र दक्ष ईन्टरनेशनल एसोसिएट्स पार्टनर रहेको उक्त अवार्ड शो को दोश्रो संस्करण नेपालमा नै हुन लागेको हो ।

अवार्डमा संगित, चलचित्र, फेशन, मोडल, ईभेन्ट अन्तर्गत विभिन्न विधामा भोटिगंका आधारमा सर्जक, कलाकार, प्राविधिक एबम ब्यवस्थापकलाई पुरस्कृत गरिने आयोजक संस्थाका सिईओ डेविल सिंह राजपुतले जानकारी दिएका छन्                                 । अवार्डमा मनोनयनका लागि कत्तिक ४ गते देखी अनलाईन आवेदन फाराम खुल्ला रहने र नोमिनेशनको निमित्त यस वर्ष निःशुल्क अनलाईन फारम भर्न सकिने उनले बताए ।

‘अवार्डलाई मर्यादित र मैत्रीपूर्ण बनाउन हामी एक्यबद्ध छौ, स्वास्थ्य सुरक्षाका मापदण्डलाई पुरा गर्दै सिमित मानिसहरुको उपस्थिती माझ कार्यक्रम गर्न लागिएको हो, यदि अवस्था प्रतिकुल देख्यौ भने कार्यक्रम हेरफेर हुन सक्छ’  अवार्ड कार्यक्रमका एशोसियट पार्टनर ग्लोरी मिडियाका अध्यक्ष सरोज ओझाले बताएका छन् ।

त्यसैगरि, पेजेन्ट नेपाल र दक्ष ईन्टरनेशनलका तर्फबाट क्रमशः राज लुइटेल र टेक राज पाण्डेले बोल्दै ईभेण्टलाई ब्यवस्थित बनाउन लागि पर्ने प्रतिबद्धता जनाए ।

नेपाली कला,संस्कृतीको प्रचार प्रसार तथा प्रवर्द्धन गर्ने हेतुले अवार्ड कार्यक्रम आयोजना गर्न लागिएकोले यसको महत्व अझ बढने आशा लिएको राजपुतले बताए ।

राजधानी लगायत मोफसलमा विभिन्न सफल सौन्दर्य प्रतियोगिता सम्पन्न गरि चर्चा बटुल्न सफल मोडल सङ्गस नेपालले राष्ट्रिय तथा अन्तराष्ट्रिय स्तरमा विभिन्न सौन्दर्य प्रतियोगिताको साथै सम्मान कार्यक्रमहरु आयोजना गर्दै आएको छ। यस अघि युएईमा “मोडल सङ्ग्स अवार्ड २०१८ दुवई” र विश्वको सातौ आश्चर्यमध्यको एक इजिप्टको पिरामिड शहर कायरोमा “एम एस एन एक्सीलेन्स अवार्ड, २०१९”को भव्य समापन पश्चात नेपालमा “मोडल सङ्ग्स अवार्ड, २०२०” को आयोजना गर्न लागिएको हो ।

निःशुल्क अनलाईन फारमको लागि तलको लिंक क्लिक गर्नुहोस। 

https://bit.ly/3kdwTav

'बेस्ट इभेन्ट डिरेक्टर’ को अवार्ड बिकास श्रेष्ठलाई, 'बेस्ट इभेन्ट अर्गनाईजर’मा क्वेस्ट ईभेन्ट मेनेजमेन्ट

मनोञ्न


काठमाडौं —  कार्तिक ४, २०७७।

पेजेन्ट नेपाल ईन्टरनेशनल मिडियाले आयोजना गरेको 'पेजेन्ट नेपाल फेशन एण्ड मोडल अवार्ड,२०२०' मा क्वेस्ट ईभेन्ट मेनेजमेन्टका सिईओ एवं विभिन्न सफल सौन्दर्य प्रतियोगिताका आयोजक बिकास श्रेष्ठ ले  'बेस्ट इभेन्ट डिरेक्टर’ को अवार्ड प्राप्त गरेका छन ।

सदावहार नायक भुवन केसीको प्रमुख आतिथ्यतामा भएको उक्त कार्यक्रममा छिरिङ वाङ्डु र जयन सुब्बा मानन्धरको विशेष आतिथ्यता साथै नेपाली फेशन/मोडलिङ जगतका थुप्रै हस्तीहरुको उपश्थिति सहित कोरोना कहरबीच स्वास्थ्यका सम्पूर्ण मापदण्ड अपनाउँदै बिहीबार म्युजिकसिटी स्टुडियोमा एक कार्यक्रमबीच सम्पन्न अवार्ड समारोहमा आफ्ना ४ फाईनलिस्टलाई पछि पार्दै उनले सो अवार्ड हात पारेका हुन ।

क्वेस्ट एजुकेशन इन्स्टिच्युट एन्ड कन्सल्टेन्सी, क्वेस्ट गोर्खा एकेडेमी, फेशन क्वेस्ट बुटिक साथै क्वेस्ट ग्रुपका संस्थापक समेत रहेका श्रेष्ठ पछिल्लो समय बिभिन्न किसिमका समाजि्क कार्यमा समेत संलग्न रहदै आएका छन । 

त्यसैगरी बेस्ट इभेन्ट अर्गनाईजर’ विधातर्फको अवार्ड समेत क्वेस्ट ईभेन्ट मेनेजमेन्ट प्रा ली ले प्रा्प्त गरेको छ। क्वेस्ट ईभेन्ट मेनेजमेन्ट प्रा लीको तर्फबाट उक्त अवार्ड भने जेनु श्रेष्ठले लिएकी थिईन। 

विगत लामो समयदेखि ईभेन्ट डिरेक्सनको क्षेत्रमा उल्लेखनीय योगदान प्रदान गरेको भन्दै बिकाश श्रेष्ठलाई उक्त अवार्डले सम्मानित गरिएको पेजेन्ट नेपाल ईन्टरनेशनलका प्रवन्ध निर्देशक दिक्पाल कार्कीले जनाएका छन ।

त्यसैगरी ईभेन्ट आयोजनाको क्षेत्रना कुशल भुमिका निर्वाह गरेको भन्दै क्वेस्ट ईभेन्ट मेनेजमेन्ट प्रा ली लाई 'बेस्ट इभेन्ट अर्गनाईजर’ को अवार्ड प्रदान गरिएको आयोजक कार्कीले जनाएका छन। 

ग्लोरी मिडियाको प्रकाशन खेल जीत मनोविज्ञान सार्वजनिक

मनोञ्न


ग्लोरी मिडियाको प्रकाशन खेल जीत मनोविज्ञान सार्वजनिक  

काठमाडौं, ०३ कार्तिक-  ग्लोरी मिडियाद्वारा प्रकाशित पुस्तक खेल जीत मनोविज्ञान विमोचन गरिएको छ । डि एन घिसिङको लेखन तथा सरोज ओझाको भाषा सम्पादन रहेको उक्त पुस्तक सोमबार  युवा तथा खेलकुद मन्त्री जगत बहादुर विश्वकर्माले विमोचन गरेका हुन । राष्ट्रिय खेलकुद परिषद् त्रिपुरेश्वरमा आयोजित एक कार्यक्रम माझ पुस्तकको विमोचन गर्दै मन्त्री विश्वकर्माले उक्त पुस्तकले नेपालको खेल क्षेत्रलाई ठुलो टेवा पुग्ने विश्वास व्यक्त गरे ।मन्त्री विश्वकर्माले आधुनिक खेलकुदमा मनोविज्ञान सम्बन्धी ज्ञानको बढदो आवश्यकता महशुश गरिएको परिप्रेक्ष्यमा खेल जीत मनोविज्ञान पुस्तकले समाजलाई गतिशिल बनाउने धारणा राखे । 
पुस्तकका लेखक डिएन घिसिङले खेल क्षेत्रमा मनोविज्ञानको प्रभाव उच्च रहने बताउदै यसको उचित प्रयोगले खेलाडीलाई प्रतिस्पर्धामा जीत हासिल गर्न सघाउँ पुग्ने दाबी गर्दै खेल जीत मनोविज्ञान पुस्तकले नेपालको खेल क्षेत्रलाई अघि बढाउनेमा आफु आशावादी रहेको बताए ।  

कार्यक्रममा राष्ट्रिय खेलकुद परिषदका उपाध्यक्ष शिव कोईराला, सदस्य सचिव रमेश सिलवाल लगायतको उपस्थिती रहेको थियो ।  

उक्त पुस्तकले खेलकुदसँगसंगै स्वास्थ्य र शिक्षाका लागि पनि महत्वपूर्ण योगदान पुग्ने दाबी पेश गर्दै पुस्तकको सारलाई  अंगिकार गर्न सकेको खण्डमा हर खेलाडी सफल बन्ने पुस्तकका  भाषा सम्पादक तथा प्रकाशक संस्था ग्लोरी मिडियाका अध्यक्ष सरोज ओझाले बताएका छन् ।

मोडलिङ क्षेत्रमा क्यारियर बनाउँदै सेलिन

मनोञ्न


मोडलिङ क्षेत्रमा क्यारियर बनाउँदै सेलिन
–राजु भट्ट
उमेरले भर्खरै १६ वर्षमा टेकेकी सेलिन प्रजापति मोडलिङ क्षेत्रमा उदयमान नाम हो । मध्यपुर थिमी, भक्तपुर निवासी प्रजापति शंखधार मेमोरियल स्कूलबाट एसईई पास गरी +२ को लागि उच्च माध्यमिक विद्यालयमा आफ्नो अध्ययनलाई अगाडि बढाईरहेकी छिन् । 
बुबा, आमा र एक बहिनीको माया पाएकी प्रजापतिलाई सडकका पेटीहरुमा डुलिहिँड्ने कुकुरहरूलाई खाना खुवाउने र कविता लेख्न निकै मन पर्दछ । सधैं सकारात्मक सोच र फराकिलो विचार बोकेकी उनी आफूलाई सामाजिक कार्यकर्ताको रुपमा पहिचान गराई स्वतन्त्र सफल व्यवसायिक मोडल हुने दृढ इच्छा राख्दछिन । सानै उमेरमा मिस टिन इन्टरनेशनल नेपालको बिजेता घोषणा भएसँगै आफ्नो क्यारियरमा जिम्मेवारीसँगै दायित्वबोध भएको उनको भनाई छ । 
हाल उनलाई काठमाण्डौं, पोखरा र चितवन लगायतका विभिन्न स्थानहरुमा सञ्चालन भईरहेका फेशन शो, व्यूटी प्याजेन्टहरुमा निर्णायकको भूमिकामा समेत देख्न सकिन्छ ।
हेर्दा निकै फरासिली देखिने उनी जो कोहीलाई पनि आफ्नो आत्मीय व्यवहारले छिट्टै आफ्नो प्रभावमा पार्छिन् । देशका विभिन्न स्थानमा भएका व्यूटी प्याजेन्टहरुमा सहभागी हुँदै मिस टिन इन्टरनेशनल नेपालको उपाधि समेत हासिल गरेकी प्रजापति भियतनाममा हुने प्रतियोगितामा नेपालबाट प्रतिनिधित्व गर्दैछिन् । आशा छ प्रजापतिले भियतनाममा हुने प्रतियोगितामा समेत आफ्नो साथै नेपालको शिर उच्च राख्नेछिन् । अग्रिम शुभकामना ।

मिसेस नेपाल लकडाउन ट्यालेन्ट हन्टको उपाधी निर्जना पलान्चोके लाई

मनोञ्न


काठमाडौं ३ कार्तिक । सिजन मिडिया द्धारा आयोजित विवाहित महिलाहरुमा केन्द्रित “मिसेस नेपाल लकडाउन ट्यालेन्ट हन्ट २०२०” को विजेता घोषणा गरिएको छ । उक्त प्रतियोगीतामा भक्तपुरकी निरजर्ना पलान्चोके श्रेष्ठ प्रथम विजेता हुनु भएको छ उहाले नेपाली गितमा नृत्य गर्नु भएको थियो भने पत्रकार लक्ष्मी खतिवडा दोश्रो हुनु भएको छ उहाँले नाटक विधामा सहभागी हुनु भएको थियो भने त्यसैगरी तृतिय स्थान अनिला वन्तले हात पार्न सफल हुनु भएको छ । उहाँले पनि नृत्य विधामा सहभागी हुनुभएको थियो । उक्त कार्यक्रमको निर्णायक मण्डलमा नायक तथा डाइरेक्टर आकास अधिकारी, वरिष्ठ सौन्दर्य विद सिता न्यौपाने,कर्पोरेट चिफ कुमार चालिसे , नृत्य निर्देशक राजेन्द्र कमल राई र गायक विनोद वाँनिया रहनु भएको थियो । नेपालभर रहेका विवाहित महिला तथा गृहिणीहरुलाई लकडाउनको समयको सदुपयोग तथा आफ्नो कला मनोरन्जन तथा आन्तरिक क्षमतालाई उजागर गर्ने उद्देश्यले उक्त कार्यक्रम आयोजना गरिएको थियो उक्त कार्यक्रममा अन्तिम छनौटमा २४ जना प्रतियोगीहरु सहभागी भएका थिए उक्त प्रतियोगीतामा महिलाहरुको आफ्नो आन्तरिक कलाहरु जस्तै एक्टीङ कला, नृत्य, गायन, खाना पकाउने रेसिपी र मेकअप आदि विषयमा प्रतियोगीले १ मिनेटदेखि ३ मिनेटसम्मको भिडियो वनाएर पठाउनु भएको थियो  र उक्त भिडियोे छनोट  पछि सिजन मिडियाको अफिसियल फेसवुकमार्फत सार्वजनिक गरिएको थियो भने मूल्याङकनको लागि  लाइक सेयर को आधारमा २५ प्रतिशत नम्वर अनलाइन र एसएमएस भोटिङवाट ५० प्रतिसत नम्वर र निर्णायक मण्डलको मूल्याङ्कनबाट २५ प्रतिसत गरि विजेता छनोैट गरिएको हो । उक्त विजेताहरुलाई २०७७ सालको दशै पछि लगत्तै पुस्कार वितरण तथा सम्मान गरिने  आयोजक सिजन मिडिाका प्रवन्ध निर्देशक प्रदीपराज वन्तले जानकारी दिनु भयो । 
प्रतियोगिताका विजेताले “मिसेस नेपाल लकडाउन ट्लेन्ट हन्ट २०२०” को ताज सहित फ्रिज, द्धितिय हुनेले टिभि र तृतिय हुनेले भ्याकुप क्लीनर प्राप्त गर्नेछन भने  ५ जना प्रतियोगीलाई सान्वना पुरस्कार स्वरुप टेवल घडि प्रदान गरिने छ /