नेपालको डिजिटल वालेट खल्ती नेपाल प्रिमियर लिग (एनपीएल) को आधिकारिक टिकेटिङ पार्टनर बनेको छ। यस साझेदारीले क्रिकेट प्रशंसकहरूलाई एनपीएलका खेलहरूको टिकट अनलाइनमै सहज रूपमा खरिद गर्न सहयोग गर्नेछ।

एनपीएल, जुन मंसिर १५ (नोभेम्बर ३०) देखि पुस ७ (डिसेम्बर २१) सम्म आयोजना हुनेछ, नेपाल क्रिकेट संघ (क्यान) द्वारा व्यवस्थापन गरिएको पहिलो फ्रेन्चाइज क्रिकेट लिग हो। यस प्रतियोगितामा आठ फ्रेन्चाइज टिमहरूले प्रतिस्पर्धा गर्नेछन।

यस टुर्नामेन्टको विश्वव्यापी प्रसारण स्टार स्पोर्ट्स मा हुने र विदेशी खेलाडीहरूको सहभागिताले यसलाई अझ रोमाञ्चक बनाउने अपेक्षा गरिएको छ। खल्तीले यस किसिमका खेलकुद कार्यक्रमहरूको प्रवर्धनमा आफ्नो योगदान विस्तार गर्दै नेपाली दर्शकहरूलाई डिजिटल टिकटिङ सेवामार्फत सहज सुविधा प्रदान गर्ने लक्ष्य राखेको छ।

यो साझेदारी नेपाली क्रिकेटको व्यावसायिकरण र डिजिटल सेवाको विस्तारको लागि महत्वपूर्ण कदम मानिएको छ। एनपीएलसँग सम्बन्धित थप जानकारी र टिकट खरिदका लागि खल्तीको वेबसाइट भ्रमण गर्न सकिन्छ।

​​​​​​