आईसीसी यू–१९ विश्वकपका लागि एसिया क्षेत्रको छनोटका लागि नेपाल र अफगानिस्तानबीचको अन्तिम खेल वर्षाका कारण खेल प्रभावित भएर रद्द भएपछि दुई देशबीच अंक बाँडफाँड भएको हो। 

समान अंक भए पनि रनरेटमा अगाडि भएका कारण विश्वकपमा लागि अफगानिस्तान छनोट भएको हो। 

नेपाल र अफागानिस्तानबीच शनिबार बिहान ९ बजेबाट खेल हुने कार्यतालिका रहेको भए पनि बिहानभरी काठमाडौँमा परेको वर्षाका कारण मैदान खेल्न अयोज्ञ बनेको थियो। 

ढिलागरी वर्षा रोकिएपछि मैदानलाई सुकाएर भए पनि खेल खेलाउन दिउँसो २ बजेसम्म गरिएको प्रयत्न सफल हुन नसकेपछि अन्तिममा खेल र रद्द गरिएको हो। 

प्रतियोगितामा नेपालले यूएई, ओमान र हङकङलाई हराएको थियो। अफगानिस्तानले पनि यिनै टोलीलाई हराएर शीर्ष स्थानमा पुगेको थियो। 

अफगानिस्तानसँगको आजको खेलपपछि नै विश्वकपमा पुग्ने टिमको छिनोफानो हुने अवस्था थियो।

२०२६ मा हुने यू–१९ विश्वकपका लागि एसिया क्षेत्रबाट एउटौ मात्रै टिम छनोट हुने व्यवस्था आईसीसीले गरेका कारण प्रतियोगिताको शीर्ष एक टिम मात्रै छनोट हुन सकेको हो।

नेपालले सन २०२४ को विश्वकप खेलेको थियो। दक्षिण अफ्रिाकामा भएको खेलमा नेपालले अफगानिस्तानलाई पराजित गरेको थियो।