काठमाडौं | सरकारले देशभरका श्रमिकहरूको न्यूनतम पारिश्रमिक वृद्धि गरेको छ। श्रम, रोजगार तथा सामाजिक सुरक्षा मन्त्रालयले श्रावण १ गतेदेखि लागू हुने गरी न्यूनतम पारिश्रमिक १९ हजार ५५० रूपैयाँ निर्धारण गरेको हो।

यसअघि १७ हजार ३ सय रूपैयाँ रहेको न्यूनतम पारिश्रमिकमा करिब २ हजार २ सय ५० रूपैयाँको वृद्धि भएको हो। मन्त्रालयले श्रम ऐन, २०७४ को दफा १०६ को उपदफा १ बमोजिम ‘न्यूनतम पारिश्रमिक निर्धारण समिति’को सिफारिसअनुसार यो निर्णय गरेको जनाएको छ।

मन्त्रालयका सहसचिव तथा न्यूनतम पारिश्रमिक निर्धारण समितिका अध्यक्ष प्रदीपकुमार कोइरालाका अनुसार, निर्णयमा पुग्नु अघि रोजगारदाता संगठन र संयुक्त ट्रेड युनियन समन्वय केन्द्रका प्रतिनिधिहरुसँग विस्तृत छलफल, सुझाव तथा विश्लेषण गरिएको थियो।

नयाँ पारिश्रमिक संरचना (चिया बगानबाहेकका श्रमिकका लागि):

आंशिक समयमात्र काम गर्ने श्रमिकका लागि प्रति घण्टा न्यूनतम पारिश्रमिक १०७ रूपैयाँ तोकिएको छ।

चिया बगानका श्रमिकको हकमा:

चिया उद्योगमा कार्यरत श्रमिकहरूको पारिश्रमिक सम्बन्धमा सरोकारवाला निकायहरूसँग छुट्टै छलफल गरी सिफारिस गर्ने निर्णय गरिएको मन्त्रालयले जनाएको छ।