News Desk
बौद्धस्थित हायात होटल एक वर्षका लागि मर्मतमा जाने भएपछि, सो अवधिमा पनि कर्मचारीले न्यूनतम पारिश्रमिक पाउने व्यवस्था मिलाइएको छ।
होटल पूर्ण रूपमा नवीकरण भएर पुनः सञ्चालनमा आउन कम्तिमा १२ महिना लाग्ने अनुमान छ। यस क्रममा मजदुर युनियन र होटल व्यवस्थापनबीच भएको सहमतिअनुसार कर्मचारीले मासिक १२,१७० रुपैयाँ बराबरको आधारभूत तलब पाउने छन्।
त्यसबाहेक, व्यवस्थापनले श्रमिकका लागि सामाजिक सुरक्षा कोषमा जम्मा हुनुपर्ने ३१ प्रतिशत रकम वहन गर्नेछ, जसमा ११ प्रतिशत तलब हिस्सा र २० प्रतिशत होटल श्रमिक कोषको योगदान रहनेछ।
मर्मत सम्पन्न भएपछि सबै कर्मचारीलाई पुनः काममा फर्काइने सहमति दुवै पक्षले स्पष्ट रूपमा उल्लेख गरेका छन्।
