News Desk
हाल उहाँ नेपाल चेम्बर अफ कमर्सकी उपाध्यक्ष, महिला चेम्बरकी अध्यक्ष तथा साल्ट ट्रेडिङ कर्पोरेशन लिमिटेडकी कार्यकारी प्रमुखका रूपमा कार्यरत हुनुहुन्छ । उहाँको नेतृत्वमा व्यापार, महिला उद्यमशीलता, सामाजिक उत्तरदायित्व तथा राष्ट्रिय आर्थिक विकासका क्षेत्रमा उल्लेखनीय उपलब्धिइहरु हासिल भएका छन् ।
व्यवसायिक क्षेत्रमा इमान्दारिता, अनुशासन र दूरदर्शी नेतृत्वका कारण उर्मिला श्रेष्ठ नेपाली निजी क्षेत्रको प्रेरणादायी व्यक्तित्वका रूपमा परिचित हुनुहुन्छ । जो नेपालका काबिल र सफल महिलाहरुको नाम उच्चारण गर्दा अग्रपङ्ती पर्ने नाम हो ।विशेषगरी महिला उद्यमीहरूको क्षमता विकास, नेतृत्व अभिवृद्धि तथा आर्थिक सशक्तीकरणमा उहाँले महत्वपूर्ण भूमिका निर्वाह गर्दै आउनुभएको छ । त्यसो त उहाँले के महिला के पुरुष सबैलाई क्षमताका आधारमा जिम्मेवार भई अघि बढन प्रेरित गर्दै आउनुभएको छ । व्यापारीक पृष्ठभुमि बोकेको प्रा िज्ञक वातावरण बोकेको नेवार परिवारमा जन्मनुभएकी श्रेष्ठ बौद्धिकता एवम् कर्मशिलताका कारण लोकप्रिय समेत हुनुहुन्छ ।
उहाँले विभिन्न राष्ट्रिय तथा अन्तर्राष्ट्रिय मञ्चहरूमा नेपालको निजी क्षेत्र, महिला उद्यमशीलता र व्यापार प्रवर्द्धनका निम्ति सक्रिय रुपमा भूमिका खेल्दै आउनुभएको छ । सामाजिक सेवामा समेत उत्तिकै सक्रिय श्रेष्ठले शिक्षा, स्वास्थ्य, महिला सशक्तीकरण तथा विपद् व्यवस्थापनका क्षेत्रमा उल्लेख्य योगदान पुर्याउनुभएको पाईन्छ । उहाँको नेतृत्व र समर्पणले नेपाली निजी क्षेत्रलाई थप उचाइमा पुर्याउने विश्वास व्यक्त गरिएको छ ।
उर्मिला श्रेष्ठ नेपालको सफल महिला उद्यमी, कुशल व्यवस्थापक तथा सामाजिक व्यक्तित्व हुनुहुन्छ । व्यापार तथा उद्योग क्षेत्रमा लामो अनुभव हासिल गर्नुभएकी श्रेष्ठ हाल नेपाल चेम्बर अफ कमर्सकी उपाध्यक्ष, महिला चेम्बरकी अध्यक्ष तथा साल्ट ट्रेडिङ कर्पोरेशन लिमिटेडकी कार्यकारी प्रमुखको जिम्मेवारीमा रहनुभएको छ ।
नेपालको निजी क्षेत्रलाई सुदृढ बनाउने, उद्यमशीलतालाई प्रोत्साहन गर्ने तथा राष्ट्रिय आर्थिक विकासमा निजी क्षेत्रको भूमिका विस्तार गर्ने र निजि सार्वजनिक साझेदारीको भावनालाई वस्तुनिस्ठ तबरले शिरोपर गरि सबल नेतृत्व प्रदान गर्ने जस्ता बिशेष गुण तथा क्षमताका कारण अत्यन्तै सक्षम महिलाका रुपमा आफुलाई स्थापित गर्न उहाँ सफल हुनुभएको छ । व्यवसायीहरूको हकहित, स्वरोजगार सिर्जना तथा उद्यमशीलताको वातावरण निर्माण गर्न उहाँले उल्लेखनीय भूमिका निर्वाह गर्नुभएको छ ।
श्रेष्ठले व्यवसायिक क्षेत्रसँगै सामाजिक सेवामा पनि निरन्तर योगदान दिँदै आउनुभएको छ । शिक्षा, सामाजिक जागरण तथा मानवीय सेवाका विविध अभियानहरूमा उहाँको उल्लेख योगदान छ ।
उहाँको नेतृत्व क्षमता, कार्यकुशलता, अनुशासन र राष्ट्रप्रतिको समर्पणका कारण उहाँ विभिन्न राष्ट्रिय तथा अन्तर्राष्ट्रिय संस्थाबाट सम्मानित हुँदै आउनुभएको छ । “ग्लोबल स्टार सर्वोत्कृष्ट व्यवस्थापक तथा राष्ट्रसेवक सम्मान” पनि उहाँको योगदानको कदरस्वरूप प्रदान गरिएको प्रतिष्ठित सम्मानका रूपमा हेरिएको छ ।
