News Desk
आइतबार बसेको कांग्रेस केन्द्रीय कार्यसमिति बैठकलाई सम्बोधन गर्दै थापाले सरकार आफ्नो घोषित उद्देश्य र मार्गबाट विचलित हुन थालेको भन्दै सचेत गराउनुभयो।
प्रधानमन्त्री शाहले आफूलाई ‘ब्रेक नभएको गाडी’का रूपमा प्रस्तुत गरेको प्रसंग उल्लेख गर्दै थापाले सरकारलाई तीव्र गतिमा अघि बढ्न कसैले नरोक्ने तर संविधान र कानुनी प्रक्रियाको सीमा उल्लङ्घन गर्न नदिइने स्पष्ट पार्नुभयो।
उहाँले भन्नुभयो, “स्पीड बढाउन सक्नुहुन्छ, ब्रेक नलगाउन सक्नुहुन्छ, तर लेन मिच्न दिँदैनौँ।”
थापाले सरकारका निर्णय र कामकारबाहीमाथि प्रमुख प्रतिपक्षी दलका रूपमा कांग्रेसले निरन्तर निगरानी राख्ने बताउनुभयो। सरकार गलत दिशातर्फ अघि बढे आवश्यक खबरदारी र हस्तक्षेप गरिने उहाँको भनाइ थियो।
संविधान, विधिको शासन र लोकतान्त्रिक प्रक्रियालाई कमजोर पार्ने कुनै पनि गतिविधि स्वीकार्य नहुने भन्दै थापाले सरकारलाई निर्धारित संवैधानिक बाटोबाट अघि बढ्न आग्रह गर्नुभयो।
